Blog

December 22, 2022December 23, 2022

ஊடகவியலாளர்களின் தொழில் நிலை குறித்த ஆய்வு அறிக்கை மற்றும் காணொளி கையளிப்பு

உலகளாவிய தொழிற்சங்க திட்டத்தின் கீழ் சர்வதேச ஊடகவியலாளர்களின் கூட்டமைப்பின் வழிகாட்டுதல் மற்றும் ஆதரவுடன், ஊடகத்துறை ஊழியர் தொழிற்சங்கங் சம்மேளனமானது இலங்கையில் ஊடகவியலாளர்களின் தொழில்நிலை மற்றும் அவர்கள் எதிர்கொள்ளும் சவால்கள் குறித்து ஒரு தனித்துவமான கணக்கெடுபொன்றை நடத்தியது.

யாழ்.மாவட்ட ஊடகவியலாளர் கந்தசாமி செல்வகுமார் அவர்கள், ஊடகவியலாளர்களின் கணக்கெடுப்பு அறிக்கை மற்றும் தொழில்சார் பிரச்சினைகள் அடங்கிய 16 காணொளிகளை தொழில் அமைச்சரும் மற்றும் வெளிநாட்டு வேலைவாய்ப்பு அமைச்சருமான மனுஷ நாணயக்காரவிடம் கையளித்தார்.

தொழில் அமைச்சில் இடம்பெற்ற இந்நிகழ்வில் தொழில் அமைச்சின் செயலாளர் ஆர்.பி.விமலவீர, தொழிலாளர் ஆணையாளர் நாயகம் சட்டத்தரணி பிரபாத் சந்திரகிர்த்தி, ஊடக ஊழியர் தொழிற்சங்க சம்மேளனத்தின் பொதுச் செயலாளர் தர்மசிறிலங்காபேலி, தலைவி கிருஷ்ணி கந்தசாமி இஃபாம், பொருளாளர் றிஸ்வான் சேகு முகைதீன், தேசிய ஒருங்கமைப்பாளர்டக்ளஸ் நாணயக்கார உள்ளிட்ட செயற்குழுவினர், மற்றும் செயற்குழுவினர், கூட்டமைப்பின் மாவட்ட தலைவர்கள் உட்பட ஏராளமான அங்கத்தவர்கள் கலந்து கொண்டனர்.

இங்கு ஊடகவியலாளர்கள் மத்தியில் உரையாற்றிய தொழிலாளர் அமைச்சர் மனுஷ நாணயக்கார,

ஒப்பந்த மற்றும் பகுதிநேர ஊழியர்களை என வேலை செய்பவர்கள் அனைவரின் தொழில் பாதுகாப்பை பாதுகாப்பதற்கான கொள்கை இருக்க வேண்டும். தொழில் அமைச்சு என்ற ரீதியில் தாம் இவ்வாறு பணியாற்றக் கடமைப்பட்டிருப்பதாகவும், பாராளுமன்றத்தில் வரவு செலவுத் திட்ட உரையை சமர்ப்பித்து உரையாற்றும் போது ஒப்பந்த மற்றும் பகுதிநேர ஊழியர்களை உள்ளடக்கும் வகையில் தொழிலாளர் சட்டத்தை உருவாக்க வேண்டியதன் அவசியத்தை முன்வைத்ததாகவும் இது குறித்து ஜனாதிபதி விசேட கவனம் செலுத்தியதாகவும் அவர் நினைவு கூர்ந்தார்.

மேலும், ஊடகவியலாளர்கள் மத்தியில் உரையாற்றிய அவர், தொழிலாளர் சட்டத்தை மாதங்கள் மற்றும் ஆண்டுகள் என தாமதப்படுத்த எதிர்பார்க்கவில்லை என்று கூறினார். தொழிலாளர்கள் மற்றும் தொழில்முனைவோரை பாதுகாக்க தேவையான விதிகள் மற்றும் விதிமுறைகளை விரைவில் உருவாக்க உரிய நடவடிக்கைகளை எடுத்து வருகிறேன். 2023 ஆம் ஆண்டு இறுதிக்குள் தொழிலாளர் அமைச்சர் முழு சட்ட கட்டமைப்பையும் நிறைவு செய்யும் என்று மேலும் அமைச்சர் கூறினார்.

December 3, 2022December 3, 2022

இலங்கையின் தொழில்முறை ஊடகவியலாளர்களின் நிலை வெளிச்சத்திற்கு வந்தது!

ஊடகத்துறை ஊழியர் தொழிற்சங்கங்களின் சம்மேளனத்தின் பொதுச் செயலாளர் தர்மசிறி லங்காபேலி மற்றும் பிரதிப் பொதுச் செயலாளர் திருமதி இந்திரா நவகமுவ ஆகியோர் தொழில் மற்றும் வெளிநாட்டு வேலைவாய்ப்பு அமைச்சர் மனுஷ நாணயக்காரவுடன் கடந்த 2022 நவம்பர் 22 ஆம் திகதி மேற்படி அமைச்சில் கலந்துரையாடல் ஒன்றை மேற்கொண்டனர்.
இங்கு இலங்கையில் தொழில்துறை ஊடகவியலாளர்கள் எதிர்கொள்ளம் பிரச்சினைகள் தொடர்பிலான நீண்ட கலந்துரையாடல் இடம்பெற்றது.

இலங்கையிலுள்ள பெரும்பாலான தொழில்சார் ஊடகவியலாளர்களுக்கு அவர்களுக்கு இருக்க வேண்டிய அடிப்படை தொழில் உரிமைகள் எதுவும் இல்லை எனவும், இலங்கையில் அடிப்படை உரிமை கூட இல்லாத ஒரேயொரு தொழில், ஊடகவியல் தொழில் எனவும், ஊடகத்துறை ஊழியர் தொழிற்சங்க சம்மேளனம் அமைச்சருக்கு இதன்போது விளக்கமளித்தது.

ஊடகவியலாளர்களின் தொழில் நிலை மற்றும் ஊடகத்துறை எதிர்நோக்கும் சவால்கள் தொடர்பில் ஊடகத்துறை தொழிற்சங்கங்களின் சம்மேளனம் நடத்திய தனித்துவமான ஆய்வின் அடிப்படையில் தொகுக்கப்பட்ட அறிக்கையின் ஊடாக அமைச்சருக்கு இவ்விடயங்கள் விளக்கமளிக்கப்பட்டன.

சர்வதேச ஊடகவியலாளர்களின் கூட்டமைப்பின் (IFJ) வழிகாட்டல் மற்றும் உதவியுடன் IFJ-Union to Union (UTU) Global Union 2022 ஊடக தொழிற்சங்க சங்கங்களின் அனுசரணையுடன் இந்நிகழ்வு ஏற்பாடு செய்யப்பட்டிருந்தது.

ஊடகவியலாளர்கள் எதிர்நோக்கும் தொழில்சார் பிரச்சினைகள் மற்றும் ஊடகத்துறை எதிர்கொள்ளும் சவால்கள் குறித்தான விரிவான கலந்துரையாடலை, ஊடகவியலாளர்களின் பரந்தளவிலான பிரதிநிதித்துவத்துடன் எதிர்வரும் டிசம்பர் 13ஆம் திகதி நடத்துவதற்கும் தொழில் அமைச்சர் மனுஷ நாணயக்கார இதன்போது உறுதியளித்தார்.

இது தொடர்பில் விளக்கமளிக்கும் ஊடகவியலாளர் சந்திப்பு அண்மையில் கொழும்பில் இடம்பெற்றிருந்தமை குறிப்பிடத்தக்கது.

October 29, 2022

தொழிலமுறைசார் வளர்ச்சியினுடைய டிஜிட்டல் சகாப்தத்தில் ஊடக அமைப்புகள் புதிய அணுகுமுறைகளைக் கடைப்பிடிக்கின்றன!

இலங்கை ஊடகத்துறையின் தொழில்முறை நிபுணத்துவத்தை மேம்படுத்த, இலங்கையிலுள்ள ஊடகவியலாளர்களின் தொழில்சார் உரிமைகள் மீது கவனம் செலுத்துவது தொடர்பான பல்வேறு நிகழ்ச்சித்திட்டங்கள் அண்மையில் வெற்றிகரமாக இடம்பெற்றன. 2022 ஆம் ஆண்டுக்கான இந்த தொடர் நிகழ்ச்சித்திட்டமானது சர்வதேச ஊடகவியலாளர்களின் கூட்டமைப்பின் வழிகாட்டுதலினுடாக ஊடக ஊழியர் தொழிற்சங்கங்களின் கூட்டமைப்பின் ஆதரவுடன் மேற்கொள்ளப்பட்டது.

இந்த திட்டத்தின் முக்கிய நோக்கம் இளம் ஊடகவியலாளர்கள் தங்களின் தொழில்சார் உரிமைகள் மற்றும் பொறுப்புகளை புரிந்துகொண்டு டிஜிட்டல் யுகத்தில் திறம்பட செயல்பட அவர்களுக்கு அதிகாரம் அளிப்பதாகும். ஊடக ஊழியர் தொழிற்சங்கங்களின் கூட்டமைப்பு இலங்கையின் அனைத்து மாகாணங்களிலும் உள்ள இளம் ஊடகவியலாளர்கள்; தொழில் ரீதியில்; அவர்கள் எதிர்கொள்ளும் சவால்களை அடையாளம் காண ஆதரவளித்ததுடன், தொழிற்சங்கத்தின் மூலம் தங்களை ஒரு கூட்டமைப்பாக இருந்து இந்தச் சவால்களைச் சமாளிப்பதற்கான நடைமுறைகள் மற்றும் ஆக்கபூர்வமான வழிகளை கடைப்பிடிப்பதற்கு ஊடகவியலாளர்கள் வழிகாட்டப்பட்டனர்.

டிஜிட்டல் சகாப்தத்தின் பின்னணியில், ஊடகத்துறையில் நுழைவதற்கு நவீன திறன்களைக் கொண்ட இளம் ஊடகவியலாளர்களை உருவாக்குதுவதற்கு ஊடக நிறுவனங்கள் கடமைப்பட்டுள்ளன. இதற்கேற்றவாறு ஊடக ஊழியர் தொழிற்சங்கங்களின் கூட்டமைப்பு இளம் ஊடகவியலாளர்ள் இத்துறையில் தொடர்ந்தும் இருப்பதை உறுதி செய்வதற்காக பாடுபட்டு வருகிறது.

இந்த சூழலில், முதற்கட்டமாக ஊடக ஊழியர் தொழிற்சங்கங்களின் கூட்டமைப்பு நாடளாவிய ரீதியில் 200 ஊடகவியலாளர்களுடன் கலந்துரையாடல்களை மேற்கொண்டது. அவர்களின் உரிமைகள் மற்றும் இதர பிரச்சினைகள் மற்றும் ஊடக தொழிற்சங்கங்களின் கூட்டு முயற்சியின் மூலம் அவர்கள் எவ்வாறு உரிமைகளைப் பெறுவது என்பது குறித்து இங்கு கலந்துரையாடல்கள் மற்றும் விவாதங்கள் இடம்பெற்றன. இந்த கலந்துரையாடல்கள் மற்றும் விவாதங்கள் சிங்களம் மற்றும் தமிழ் மொழிகளில் இடம்பெற்றன. சிங்கள மொழி மூலமான 140 ஊடகவியலாளர்களும், தமிழ் மொழி மூலமாக 60 பேரும் இதில் கலந்துகொண்டனர்.

இந்த நிகழ்ச்சியின் இரண்டாவது கட்டத்தில் ஊடக ஊழியர் தொழிற்சங்கங்களின் கூட்டமைப்பின் உறுப்பினர்களாக உள்ள, அனைத்து மாகாணங்களைச் சேர்ந்த 340 ஊடகவியலாளர்களின் தொழில் நிலை குறித்த கணக்கெடுப்பு இடம்பெற்றது. இந்த கணக்கெடுப்பின் ஒரு தனித்துவமான அம்சமாக உறுப்பினர்கள் தற்போது கடமையாற்றும் ஊடக நிறுவனங்களில் இடம்பெற்றுள்ள தொழில்முறைசார் உரிமைகள் தொடர்பில் கவனம் செலுத்தப்பட்டது. ஊடகத்துறையின் முதுகெலும்பாக விளங்கும் பிரதேசவாரியான நிருபர்களுக்கு பல்வேறு பிரச்சினைகளும் சவால்களும் அடையாளம் காணப்பட்டன. செய்திகளை அனுப்பும் ஊடகவியலாளர்கள் பலர், குறிப்பாக, அடிப்படை தொழிலாளர் உரிமைகளை அனுபவிப்பதில்லை என்பதும், அற்ப ஊதியம் மற்றும் மிகக் குறைந்த நிதியுதவியுடன் தங்கள் ஊடக கடமைகளை நிறைவேற்றுவதில் கடுமையான சிரமங்களுக்கு உள்ளாகி வருவதும் இந்த ஆய்வில் தெரியவந்துள்ளது.

இந்த கணக்கெடுப்பின் முடிவுகள் ஊடக ஊழியர் தொழிற்சங்கங்களின் கூட்டமைப்பின் இணையத்தளமான www.Fmetu.org யில் பதிவிடப்பட்டுள்ளன. இத்திட்டத்தின் மூன்றாம் கட்டமாக 20 இளம் ஊடகவியலாளர்களுக்கு கையடக்கதொலைபேசி ஊடகவியல் (Mobile Journalism) திறன் மேம்பாட்டுப் பயிற்சி அளிக்கப்பட்டது. இப்பயிற்சிக்கு விண்ணப்பங்கள் கோரப்பட்டு 21 ஊடகவியலாளர்கள் தெரிவு செய்யப்பட்டனர். இந்த பயிற்சியில் 30% தமிழ்பேசும் ஊடகவியலாளர்கள் கலந்துகொண்டதோடு, 30% பெண் ஊடகவியலாளர்கள் உள்வாங்கப்பட்டிருந்தனர். கொழும்பில் நடைபெற்ற இந்த திறன் மேம்பாட்டுப் பயிற்சியினை, இலங்கை திறந்த பல்கலைக்கழகத்தின் டிஜிட்டல் ஊடக நிபுணரும் சிரேஷ்ட விரிவுரையாளருமான கலாநிதி சமீர திலக்கவர்தன மேற்கொண்டிருந்தார்.

பயிற்சியைத் தொடர்ந்து, இந்த ஊடகவியலாளர்கள். இலங்கையில் உள்ள ஊடகவியலாளர்களின் தொழில்முறைசார் மற்றும் உரிமைகள் தொடர்பான பிரச்சினைகளை முன்னிலைப்படுத்தி 17 வீடியோக்களை தயாரித்தனர். இந்த வீடியோக்கள் தற்போது ஊடக ஊழியர் தொழிற்சங்கங்களின் கூட்டமைப்பு இணையதளத்தில் இணைக்கப்பட்டுள்ளதோடு, YouTube தளத்திலும் பதிவேற்றம் செய்யப்பட்டுள்ளன.

இலங்கையில் ஊடகவியலாளர்களின் தொழில்சார் நிலை மற்றும் உரிமைகள் பற்றி எடுக்கப்பட்ட ஆய்வின் முடிவுகளின் அடிப்படையில் விரிவான அறிக்கை ஒன்று தொகுக்கப்பட்டுள்ளது. இந்த அறிக்கை தொழில் அமைச்சர் மற்றும் வெகுஜன ஊடகத்துறை அமைச்சர் உள்ளிட்ட சம்பந்தப்பட்ட அரச அதிகாரிகளுக்கு சமர்ப்பிக்கப்படவுள்ளது.

இத்திட்டத்தின் வெற்றிக்கும் விலைமதிப்பற்ற வழிகாட்டல் மற்றும் ஆதரவிற்காக சர்வதேச ஊடகவியலாளர்களின் கூட்டமைப்பின் பணிப்பாளர் திருமதி ஜேன் வொர்திங்டன் மற்றும் சர்வதேச ஊடகவியலாளர்களின் கூட்டமைப்பின் சகாக்களுக்கு, ஊடக ஊழியர் தொழிற்சங்கங்களின் கூட்டமைப்பு தனது நன்றியைத் தெரிவிக்கிறது.

September 26, 2022December 16, 2022

Best dating sites for over 50

Many local newspapers had online personals in the mid 1990s but were bought out by these big dating sites. From some of the comments it really shows how desperate dating sites are for money that they even advertise in comment sections. You have a much better chance going to local events and you will probably spend less than what you would spend on an online dating site.

Other apps have indicated that they might actually move closer to Facebook. For example, Bumble, founded by a former Tinder executive, said they had already reached out to Facebook regarding how to collaborate. And, “One thing everyone seems to agree on is that Facebook’s effectively endorsing online dating will be a huge legitimization event for the industry,” says Jefferies Internet analyst Brent Thill. According to Amanda Bradford, chief executive of The League, an elite dating app, “Facebook is validating that dating is a high-tech industry with really interesting and hard problems to solve. Still, Facebook could face some obstacles in building enough separation between the dating service and the legacy social network; some users might not like having both activities live on one app.

After giving him some time to cope with his cat passing away, he made plans to see her again and she was thrilled. He canceled the date last minute again because he said his grandma had died. Although this seemed too tragic to be true, she gave him the benefit of the doubt that he was telling the truth. Additionally, if someone is giving you a checklist right away of all of the things they want in a future partner, this may be a red flag for some controlling behaviors. It’s one thing if they express their non-negotiables but it’s another thing entirely if they are listing required traits. If you feel like someone is already trying to change things about you to suit their needs, that’s not okay. How someone initiates a conversation with you will say a lot about how they view you as a person and how they might treat you as a partner.

Online dating users are more likely to describe their overall experience with using dating sites or apps in positive, rather than negative, terms. Some 57% of Americans who have ever used a dating site or app say their own personal experiences with these platforms have been very or somewhat positive. Still, about four-in-ten online daters (42%) describe their personal experience with dating sites or apps as at least somewhat negative. Happily, there are some dating services that are looking to overcome the vanity. For example, Hinge matches people based on personality and preferences and lets you create a more interesting and rounded profile to draw people in. One of the few dating sites designed for affairs, Ashley Madison connects users for discreet encounters.

Basically all a guy like you has to do is instantly grab her attention in a memorable way with both your profile and your messages, then spend the least amount of time possible convincing her to meet you in person. For those who are hesitant to enter the online dating world for reasons related to safety or awkward conversation lulls, Double aims to take the pressure off with Double dates as opposed to one-on-one.

State things that are really important to you and be done with it. Connor turned an attempt at small talk into a rant about “gold-digging whores,” and the dating app was not having it. Matt- But what about when you said you would meet me in real life and we would lose our virginity together. One Love educates young people about healthy and unhealthy relationships, empowering them to identify and avoid abuse and learn how to love better. If you are going somewhere that serves alcoholic beverages, most bartenders are using secret codes to help customers signal, privately, when they need help if they’re getting harassed or feeling unsafe on a bad date.

With no financial requirement, free sites will naturally attract a greater proportion of people who are not really committed to finding a genuine relationship. Memberships you gain additional features such as being able to send more messages and receiving event discounts.

September 4, 2022September 4, 2022

இளம் மற்றும் சிரேஷ்ட ஊடகவியலாளர்களை வலுவூட்டி, அடிப்படை தொழில் உரிமைகளை உறுதிப்படுத்தல்!

நாடு முழுவதும் அனைத்து மாவட்டங்களையும் உள்ளடக்கிய சிங்கள, தமிழ், முஸ்லிம் சமூகங்களை பிரதிநிதித்துவப்படுத்தும் 21 ஆண்கள் மற்றும் பெண்கள் அடங்கிய இளம் ஊடகவியலாளர்கள் குழுவொன்று, 2022 செப்டெம்பர் 03ஆம் திகதி டிஜிட்டல் ஊடகம் தொடர்பான மேம்பட்ட பயிற்சிப்பட்டறையொன்றி இணைந்தது.

ஊடகவியலாளர்களின் சர்வதேச கூட்டமைப்பினால் வருடாந்தம் நடத்தப்படும் IFJ – UTU திட்டத்தின் மூலம் ஊடகத்துறை ஊழியர் தொழிற்சங்க சம்மேளனம் (FMETU) இந்நிகழ்ச்சியை ஏற்பாடு செய்திருந்தது. டிஜிட்டல் பொருளாதாரத்தில் பயனுள்ள ஊடகவியலில் ஈடுபடுவதற்கும், தொழில்சார் ஊடகவியலாளர்களின் அடிப்படை தொழில் உரிமைகளை நிலைநாட்டுவதற்கும் இளம் ஊடகவியலாளர்கள் மற்றும் சிரேஷ்ட ஊடகவியலாளர்களை வலுவூட்டுவதே இந்த திட்டத்தின் முக்கிய நோக்கமாகும்.

இம்முழுத் திட்டமும் கையடகத்தொலைபேசி ஊடகவியல் (MoJo- Mobile Journalism) தொடர்பான செயற்பாட்டு பயிற்சியைக் கொண்ட ஒரு பயிற்சித் திட்டமாகும். இந்த நிகழ்ச்சியின் பிரதான பயிற்றுவிப்பாளராக டிஜிட்டல் ஊடகத்துறையில் நிபுணத்துவம் பெற்ற கலாநிதி சமிர திலகவர்தன கலந்து கொண்டார். அவர் திறந்த பல்கலைக்கழகத்தில் இத்துறை தொடர்பான சிரேஷ்ட விரிவுரையாளராவார். நிகழ்ச்சியில் இணைந்த இளம் பத்திரிக்கையாளர்கள் இந்த விடயத்தைப் பற்றிய அதிகளவான விடயங்களை கற்றுக்கொண்டதோடு, குழுவாகப் பிரிக்கப்பட்டு குறும் வீடியோக்களை தயாரிப்பதில் ஈடுபட்டு, ஒவ்வொரு குழுவும் கையடக்கத் தொலைபேசியை பயன்படுத்தி வித்தியாசமான வகையில் வீடியோக்களை தயாரித்து காண்பித்தனர்.

பயிற்சி பெற்ற ஊடகவியலாளர்கள் தங்களின் தொழில்முறை நெறிமுறைகள் மற்றும் ஊடகத் துறை தொடர்பான சிக்கல்களை முன்னிலைப்படுத்தும் வீடியோக்களை சமர்ப்பிப்பார்கள் என்பதுடன் குறித்த வீடியோக்கள் fmetu.org இணையத்தளத்தில் பதிவேற்றப்படவுள்ளன.

இதற்கான வழிகாட்டல் மற்றும் வள பங்களிப்புக்காக சர்வதேச ஊடகவியலாளர் சம்மேளனத்திற்கும் (IFJ), இதற்கான பயிற்சியை வழங்கிய கலாநிதி சமிர திலகவர்தன, இந்த நிகழ்ச்சித்திட்டத்தை மிகவும் வெற்றிகரமாக முடிக்க ரெயின்போ கம்யூனிகேஷன்ஸ் நிறுவனம் வழங்கிய அனைத்து ஆதரவிற்கும் ஊடகத்துறை ஊழியர் தொழிற்சங்க சம்மேளனம் நன்றி தெரிவித்துள்ளது.

September 4, 2022

FMETU-IFJ-UTU 2022 ஊடகவியலாளர்களின் உரிமைகளைப் பாதுகாக்கும் நிகழ்ச்சித்திட்டம்!

– tinyurl.com/FMETU-PROFILE ஊடாக இணையுங்கள்

IFJ-UTU 2022 நிகழ்ச்சித் திட்டம், FMETU உறுப்பினர் ஊடகவியலாளர்கள் மற்றும் ஊடக ஊழியர்களின் தொழில்முறை உரிமைகளை வலுப்படுத்துதல், அவர்களின் தகவல்களின் அடிப்படையில் ஒரு தரவுத்தளத்தை செயல்படுத்துதல் மற்றும் தொழில்முறை பிரச்சினைகள் குறித்த 15 குறும் வீடியோக்களை பதிவேற்றுதல் ஆகியவை இந்த திட்டத்தின் முக்கிய செயற்பாடுகளாகும்.

IFJ-UTU ஆதரவுத் திட்டமானது, பிராந்திய ஊடக நிறுவனங்களை வலுப்படுத்த IFJ ஆசிய பசிபிக் அலுவலகத்தால் வருடாந்தம் நடத்தப்படுகிறது.

ஊடகவியலாளர்களின் அடிப்படை தொழில்சார் உரிமைகளில் செல்வாக்கு செலுத்துவதற்கும், அவர்களுக்காக குரல் கொடுப்பபதற்கும் ஊடகவியலாளர்கள் மற்றும் ஊடகப் பணியாளர்களுக்கு தெளிவுபடுத்துவதே இந்த வேலைத்திட்டத்தின் மூலம் மேற்கொள்ளப்படவுள்ளன.

சிரேஷ்ட ஊடகவியலாளர்களுடன் இளம் ஊடகவியலாளர்களை ஒருங்கிணைப்பது குறித்த உறுப்பினர்களின் யோசனைகள் மற்றும் கலந்துரையாடல்கள் மூலம் இளம் ஊடகவியலாளர்களை மேம்படுத்துவதே இந்த திட்டத்தின் முதன்மையான நோக்கமாகும். ஒரு தொழிற்சங்கம் எனும் வகையில், ஒரு செயற்பாட்டு ரீதியான பங்கு வகித்தல் மற்றும் புதிய உலகின் டிஜிட்டல் பொருளாதாரத்தில் திறம்பட செயல்பட அறிவு மற்றும் திறன்களை மேம்படுத்துவதோடு, உறுப்பினர்களை அறிவால் முழுமைப்படுத்துவதை இந்நிகழ்ச்சியின் மூலம் எதிர்பார்க்கப்படுகிறது.

ஓகஸ்ட் 27, 2022 ஆம் திகதி, நாடு முழுவதிலுமிருந்து 300 ஊடகவியலாளர்களின் பங்கேற்பினை எதிர்பார்த்தவாறு சிங்கள மற்றும் தமிழ் மொழி ஊடகங்களைச் சேர்ந்த ஊடகவியலாளர்களின் பங்களிப்புடன் இணையவழி கலந்துரையாடலொன்று ஏற்பாடு செய்யப்பட்டு அது வெற்றிகரமாக நிறைவு செய்யப்பட்டது.

மேற்படி திட்டத்தில் பங்குபற்றிய, 20 இளம் ஊடகவியலாளர்களும் டிஜிட்டல் மீடியா பயிற்சி திட்டத்திற்கு அனுப்பப்பட்டுள்ளனர். இந்த இளம் ஊடகவியலாளர்களுக்கு செப்டெம்பர் 03 ஆம் திகதி, விசேட நிபுணத்துவ பயிற்சியாளரின் வழிகாட்டுதலின் கீழ் ஒரு நாள் பயிற்சிப்பட்டறையும் இடம்பெறவுள்ளது.

பயிற்சிக்குப் பின்னர், fmetu.org இணையத்தளம் மூலம் ஊடகவியலாளர்கள் மற்றும் ஊடகப் பணியாளர்கள் எதிர்கொள்ளும் தொழில்சார் பிரச்சினைகள் மற்றும் சவால்கள் குறித்த 15 ஆய்வு வீடியோக்களை வெளியிட நடவடிக்கை எடுக்கப்படும்.

நிகழ்ச்சியின் முடிவில் ஊடகவியலாளர்களின் தொழில் சார்ந்த பிரச்சினைகள் மற்றும் சவால்கள் குறித்த அறிக்கை fmetu.org இணையத்தில் வெளியிடப்படும். ஊடக ஊழியர் சங்க சம்மேளனம் இந்த அறிக்கையை அரசாங்க அதிகாரிகளுக்கு அனுப்பி, பொறுப்பானவர்களுடன் கலந்துரையாடலுக்கான அணுகுமுறையை மேற்கொள்ள உத்தேசித்துள்ளது.

இலங்கை ஊடகத்துறையில் முறையான தொழில் கண்ணியம் கொண்ட தொழில்முறை ஊடகவியலாளர்கள் குழுவை உருவாக்குவதே இந்த வேலைத்திட்டத்தின் பிரதான நோக்கமாகும் என ஊடக ஊழியர் சங்கங்களின் சம்மேளனத்தின் பொதுச் செயலாளர் தர்மசிறி லங்காபேலி தோழர் fmetu.org இணையத்திற்கு தெரிவித்தார்.

இந்த பிரச்சார திட்டத்தில் இணைய விரும்பும் தொழில்முறை ஊடகவியலாளர்கள் எதிர்வரும் செப்டம்பர் 05 ஆம் திகதிக்கு முன் https://tinyurl.com/FMETU-PROFILE என்ற Google விண்ணப்பத்தை பூர்த்தி செய்து தங்கள் ஆதரவைத் தெரிவிக்குமாறு அமைப்பாளர்கள் கேட்டுக்கொள்கிறார்கள்.

April 19, 2022

#GotaGoHome மக்கள் போராட்டத்திற்கு ஊடகவியலாளர்கள் ஆதரவு! ஏப்ரல் 20 பி.ப. 3.00 மணிக்கு கோட்டை புகையிரத நிலையத்திலிருந்து பேரணி

#GotaGoHome போராட்டத்திற்கு ஆதரவாக அப்போராட்டத்தில் கலந்து கொள்ளும் வகையில் ஊடகத்துறையைய் சேர்ந்தவர்கள் கோட்டை புகையிரத நிலையத்திலிருந்து ஏப்ரல் 20ஆம் திகதி பேரணியொன்றை ஏற்பாடு செய்துள்ளனர்.

குறித்த பேரணி, ஏப்ரல் 20ஆம் திகதி பிற்பகல் 3.00 மணிக்கு கோட்டை புகையிரத நிலையத்திலிருந்து புறப்படவுள்ளது. இப்பேரணியில் நாடு முழுவதிலும் இருந்து ஊடகவியலாளர்கள் கலந்துகொள்ளவுள்ளார்கள். இப்பேரணி தொடர்பாக ஊடகத்துறை ஊழியர் தொழிற்சங் சம்மேளனம் விடுத்துள்ள ஊடக அறிக்கை வருமாறு…

January 24, 2022January 24, 2022

படுகொலை செய்யப்பட்ட ஊடகவியலாளர் சுகிர்தராஜனின் நினைவு தினமும் அமைதி வழி போராட்டமும்

2006 ஆம் ஆண்டு திருகோணமலையில் படுகொலை செய்யப்பட்ட ஊடகவியலாளர் சு.சுகிர்தராஜனின் 16 ஆவது ஆண்டு நினைவு தினம் அனுஷ்டிக்கப்பட்டது.

மட்டக்களப்பு ஊடக அமையம், மட்டக்களப்பு நகரின் காந்திப்பூங்காவுக்கு முன்னாலுள்ள படுகொலை செய்யப்பட்ட ஊடகவியலாளர்களின் ஞாபகார்த்த நினைவுத் தூபி ஆகிய இடங்களில் இந் நினைவு தினம் இன்று (24) அனுஷ்டிக்கப்பட்டது.
இதன்போது படுகொலைசெய்யப்பட்ட ஊடகவியலாளர் சு.சுகிர்தராஜனின் படத்திற்கு மாலை அணிவிக்கப்பட்டு ஈகச்சுடர் ஏற்றப்பட்டு மலரஞ்சலி செலுத்தப்பட்டதை தொடர்ந்து அகவணக்கம் செலுத்தப்பட்டது.

அதனைத் தொடர்ந்து கலந்து கொண்டவர்கள் படுகொலை செய்யப்பட்ட ஊடகவியலாளர்களுக்கு நீதி வேண்டி கவனயீர்ப்பு ஆர்ப்பாட்டத்தில் ஈடுபட்டனர். ஊடகவியலாளர்களுக்கு நடைபெறும் அநீதிகளுக்கு எதிராக கோஷமெழுப்பியதுடன் பதாதைகளை ஏந்தி அமைதிவழி போராட்டம் நடத்தினர்.

இந் நிகழ்வானது மட்டு.ஊடக அமையம், மட்டக்களப்பு மாவட்ட தமிழ் ஊடகவியலாளர் ஒன்றியம், கிழக்கு ஊடகவியலாளர் ஒன்றியம்,வடக்கு கிழக்கு மற்றும் தெற்கு ஊடக அமைப்புக்களின் ஒத்துழைப்புடன் ஏற்பாடு செய்யப்பட்டது.

இதில் முன்னாள் நாடாளுமன்ற உறுப்பினர்களான பி.அரியநேந்திரன், ஞா.சிறீநேசன் , இயேசுசபைத் துறவி ஜோசப் மேரி ,ஊடகவியலாளர்கள், ஊடகவியலாளர் ஒன்றியத்தின் பிரதி நிதிகள் என பலரும் கலந்து கொண்டனர்.

(சிவம் பாக்கியநாதன், க. விஜயரெத்தினம்)

January 9, 2022January 10, 2022

நீதி நிலைநாட்டப்படாது 13 வருடங்கள் நிறைவடைந்த கொலை…

இரத்மலானை அத்திடிய பிரதேசத்தில் சண்டே லீடர் பத்திரிகையின் ஆசிரியர் லசந்த விக்ரமரதுங்க படுகொலை செய்யப்பட்டு 13 வருடங்கள் இன்று ,2022 ஜனவரி 08 பூர்த்தியடைகின்றது.

லசந்த விக்ரமரதுங்க, கொழும்பில் உயர் பாதுகாப்பு வலயத்தில் பட்டப்பகலில் இனந்தெரியாத ஒரு கொலையாளியால் சுட்டுக் கொல்லப்பட்டு இராணுவச் சோதனைச் சாவடிகள் பலவற்றைக் கடந்து தப்பிச் சென்றமை யாவரும் அறிந்ததே. ஆனால் அந்த சோதனைச் சாவடிகளில் இருந்து யார் தப்பிக்க முடியும்? இது இன்று அனைவரும் அறிந்த இரகசியம். எனினும் துப்பாக்கிச் சூட்டுக்கு இலக்காகி களுபோவில வைத்தியசாலையில் அனுமதிக்கப்பட்டிருந்த லசந்த விக்ரமரதுங்க உயிரிழந்துள்ளார். அது ஜனவரி 8, 2009 ஆம் திகயதியன்றாகும்.

அதியுயர் பாதுகாப்பு வலயத்தில் பட்டப்பகலில் இலங்கையின் பிரதான நாளிதழ் ஒன்றின் ஆசிரியரை கொலையாளிகள் கொன்றுவிட்டு இஷ்டத்துக்கு தப்பிச் சென்றிருக்க முடியுமா என்பது கேள்விக்குறியே. படுகொலை செய்யப்பட்ட சிவராம், நிமலராஜன் போன்ற ஊடகவியலாளர்கள் மற்றும் காணாமல் ஆக்கப்பட்ட ஊடகவியலாளர்களான பிரகீத் போன்ற ஊடகவியலாளர்கள், பொத்தல, கீத் நொயார் போன்றவர்களை கடுமையான துன்புறுத்தலுக்குள்ளாக்கிய ஊடகவியலாளர்களுக்கு இந்நிலைமையை ஏற்படுத்திய, கொலையாளிகள், தாக்குதல்தாரிகள் மற்றும் அதற்கு உத்தரவிட்ட அடக்குமுறையாளர்களை உடனடியாக நாட்டுக்கு அம்பலப்படுத்த அதிகாரிகள் அழுத்தங்களை பிரயோகிக்க வேண்டும். அனைத்து குடிமக்களும் அதற்காக அணிவகுத்து நிற்கும் நேரத்தை பிற்போடுவதானது, குற்றத்தை செய்து தண்டனை பெறாமல் இருக்கும் வரலாற்று நடைமுறைக்கு மேலும் ஆதரவு வழங்குவது போன்றதாகும் என்பது எண்ணப்பாடாகும். ஆயினும் அதன மீண்டும் எழுத வேண்டிய நிலை ஏற்பட்டுள்ளமை தொடர்பிலும் கவலையளிக்கிறது

10 வருடங்களாக தீர்க்கப்படாத லசந்த விக்ரமரதுங்கவின் படுகொலை

2009 ஆம் ஆண்டு ஜனவரி மாதம் 08 ஆம் திகதி இரத்மலானை அத்திடிய பிரதேசத்தில் லசந்த படுகொலை செய்யப்பட்டார். 2010 பெப்ரவரி 26ஆம் திகதி, கொலை செய்ய வந்த குழுவினர் பயன்படுத்தியதாக சந்தேகிக்கப்படும் கையடக்கத் தொலைபேசி இலக்கம், நுவரெலியா பகுதியைச் சேர்ந்த பி. ஜேசுதாசனின் அடையாள அட்டையைப் பயன்படுத்தி கொள்வனவு செய்யப்பட்டிருப்பதாக தெரிவிக்கும் குற்றச்சாட்டில் ஜேசுதாசன் பொலிஸ் பயங்கரவாதப் புலனாய்வுப் பிரிவினரால் கைது செய்யப்பட்டார். பி.ஜேசுதாசனுடன் தொடர்பு வைத்திருந்தார் என்ற சந்தேகத்தின் பேரில், அன்றைய தினமே இராணுவப் புலனாய்வுப் பிரிவைச் சேர்ந்த கந்தேகெதர பியவன்ச என்பவர், பொலிஸ் பயங்கரவாத விசாரணைப் பிரிவினரால் கைது செய்யப்பட்டார்.

மார்ச் 2010 இல், இராணுவப் புலனாய்வுப் பிரிவைச் சேர்ந்த 17 பேர் பயங்கரவாத புலனாய்வுப் பிரிவினரால் விசாரிக்கப்பட்டனர். அவர்களில் 7 பேர் தடுத்து வைக்கப்பட்டு, நீண்ட விசாரணைகளின் பின்னர் விடுவிக்கப்பட்டனர். கைது செய்யப்பட்ட சந்தேகநபரான ஜேசுதாசன் 2011ஆம் ஆண்டு ஒக்டோபர் 13ஆம் திகதி சிறையில் திடீரென மரணமடைந்தார். ஜேசுதாசனின் மரணம், இயற்கை மரணம் என தெரிவிக்கப்படும் அவரது மரணத்தில் சந்தேகம் இருப்பதாக அவரது குடும்பத்தினர் தெரிவித்துள்ளனர்.

இதனைத் தொடர்ந்து, 2013 ஆம் ஆண்டு செப்டெம்பர் மாதம் 06 ஆம் திகதி இராணுவப் புலனாய்வுப் பிரிவைச் சேர்ந்த கந்தேகெதர பியவன்ச சரியான சாட்சியங்கள் இல்லாத காரணத்தினால் நீதிமன்றத்தினால் விடுவிக்கப்பட்டார். கைது செய்யப்பட்டதன் மூலம் தனது அடிப்படை உரிமை மீறப்பட்டுள்ளதாக அறிவிக்குமாறு கோரி அவர் உச்ச நீதிமன்றத்தில் மனு தாக்கல் செய்ததையடுத்து, அதனை ஏற்றுக் கொண்ட நீதிமன்றம், கந்தேகெதர பியவங்சவுக்கு ரூ. 100,000 இனை செலுத்துமாறு பயங்கரவாத புலனாய்வுப் பிரிவிற்கு உத்தரவிட்டது.

2014 ஆம் ஆண்டு ஜனவரி 08 ஆம் திகதி லசந்த விக்ரமதுங்கவின் ஐந்தாவது நினைவேந்தலில் லசந்தவின் மூத்த சகோதரர் லால் விக்ரமதுங்க, “ஜெனரல் பொன்சேகா லசந்தவைக் கொன்றார்” என்று ஜனாதிபதி மஹிந்த ராஜபக்ஷவிடம் மூன்று முறை கூறினார். இந்தக் குற்றச்சாட்டை முன்னாள் இராணுவத் தளபதி மறுத்துள்ளார்.

2015ஆம் ஆண்டு ஜனவரி 10ஆம் திகதி ஆட்சிக்கு வந்த நல்லாட்சி அரசாங்கம் லசந்தவின் படுகொலை விசாரணையை பயங்கரவாதப் புலனாய்வுப் பிரிவில் இருந்து நீக்கி குற்றப் புலனாய்வுப் பிரிவினரிடம் ஒப்படைத்தது. 2015 ஆம் ஆண்டு ஜனவரி மாதம் 21 ஆம் திகதி லசந்த விக்ரமதுங்க படுகொலை செய்யப்பட்ட விதம் மற்றும் அதற்கு யார் உத்தரவிட்டார்கள் என்பது அனைத்தும் வெளியாகியுள்ளதாக அப்போதைய அமைச்சரவை ஊடகப் பேச்சாளர் அமைச்சர் ராஜித சேனாரத்ன தெரிவித்தார். ஆனால் விசாரணைகள் மிகவும் மெதுவாகவே நடந்தன. இவ்வாறான நிலையில். லசந்த விக்ரமதுங்க படுகொலை தொடர்பான சந்தேகநபர்கள் தற்போதைய அரசாங்கத்தில் இருப்பதால் தற்போதைய அரசாங்கம் விசாரணைகளை நடத்தாமல் உள்ளதா, என முன்னாள் ஜனாதிபதி மஹிந்த ராஜபக்ஷ 2015 ஓகஸ்ட் 06ஆம் திகதி கேள்வி எழுப்பினார்.

2016 பெப்ரவரி 17ஆம் திகதி அன்று, லசந்த விக்ரமரதுங்கவின் கொலை தொடர்பான இரண்டு சந்தேக நபர்களின் தோற்றத்தை சித்தரிக்கும் இரண்டு உருவங்களை இலங்கை பொலிஸார் வெளியிட்டதோடு, அவர்களை அடையாளம் காண பொதுமக்களின் உதவியும் கோரப்பட்டது. 2016ஆம் ஆண்டு ஜூலை 16ஆம் திகதி லசந்த விக்ரமரதுங்க படுகொலை செய்யப்பட்ட சம்பவத்துடன் தொடர்புடைய சந்தேகத்தின் பேரில் இராணுவ புலனாய்வு சார்ஜென்ட் ஒருவரை பொலிஸார் கைது செய்தனர்.

2016ஆம் ஆண்டு ஜூலை மாதம் 27ஆம் திகதி, லசந்த கொலை செய்யப்பட்ட பின்னரான ஒரு நாளில் தமக்கு அச்சுறுத்தல் விடுத்த நபரென, கைது செய்யப்பட்ட இராணுவப் புலனாய்வுப் பிரிவின் சார்ஜென்டை, லசந்த விக்ரமரதுங்கவின் சாரதி நீதிமன்றில் இடம்பெற்ற அடையாள அணிவகுப்பில் வைத்து அடையாளம் காண்பித்தார். முன்னாள் பத்திரிகை ஆசிரியர் உபாலி தென்னகோனை தாக்கிய குற்றச்சாட்டிலும் குறித்த இராணுவ வீரர் மீது குற்றம் சுமத்தப்பட்டுள்ளதாக பொலிஸார் நீதிமன்றில் தெரிவித்தனர். லசந்தவின் சடலம் 2016ஆம் ஆண்டு செப்டம்பர் மாதம் 27ஆம் திகதி மீண்டும் பிரேத பரிசோதனைக்காக தோண்டி எடுக்கப்பட்டது. ஆனால் அது தொடர்பான விசாரணைகள் ஒரு குறிப்பிட்ட இடைவெளியில் முடங்கின.

2019 ஆம் ஆண்டு நல்லாட்சி அரசாங்கம் கவிழ்ந்ததையடுத்து, ராஜபக்சக்கள் மீண்டும் ஆட்சிக்கு வந்துள்ளனர். லசந்த விக்ரமதுங்கவின் படுகொலை தொடர்பில் வெளிநாட்டு ஊடகங்கள் வினவிய போது, ”யார் அந்த லசந்த ?” என கேட்ட அப்போதைய பாதுகாப்பு அமைச்சின் செயலாளர், கோட்டாபய ராஜபக்ச தற்போது இந்நாட்டின் ஜனாதிபதியாகியுள்ளார். அவ்வாறே, லசந்த உட்பட படுகொலை செய்யப்பட்ட, காணாமல் ஆக்கப்பட்ட, தாக்குதலுக்குள்ளாக்கப்பட்ட ஊடகவியலாளர்கள் மற்றும் தாக்கப்பட்ட எந்த ஊடக நிறுவனம் தொடர்பிலும் அன்றைய ராஜபக்ச ஆட்சி ஏற்றுக் கொள்ளக்கூடிய, வெளிப்படையான எந்தவொரு விசாரணைகளையும் நடாத்தவில்லை என்பதுடன், மக்களுக்கு நீதி வழங்குவதாக உறுதியளித்து அதிகாரத்திற்கு வந்த நல்லாட்சி அரசாங்கத்தினாலும் எந்தவொரு நியாயமும் நிலைநாட்டப்படவில்லை. எனவே, லசந்த படுகொலை செய்யப்பட்டு 13 வருடங்கள் கடந்துள்ள நிலையிலும், அந்த நீதிக்காக எந்த முயற்சியும் எடுக்காத கடந்த காலத்தின் கொடூரமான நினைவுகளை முன்னிறுத்தியவாறு, எமக்கு வேண்டியது நீதியே என்று மீண்டும் எழுத வேண்டியுள்ள நிலையே காணப்படுகின்றது.

லசந்த விக்ரமரதுங்க படுகொலை தொடர்பான நீதியை கோரி, அக்கொலையின் 13 வருடங்கள் பூர்த்தியான ஜனவரி 08 ஆம் திகதி நாட்டின் பல பாகங்களிலும் நினைவேந்தல் நிகழ்வுகள் இடம்பெற்றதுடன், அதில் ஒன்று மட்டக்களப்பு மாவட்ட தமிழ் ஊடகவியலாளர் சங்கமும் மட்டு ஊடக மையமும் இணைந்து ஏற்பாடு செய்திருந்தன. படுகொலை செய்யப்பட்ட ஊடகவியலாளர்களின் நினைவுத்தூபிக்கு மட்டக்களப்பு மாவட்ட தமிழ் ஊடகவியலாளர் சங்கத்தின் தலைவர் வி. கிருஷ்ணகுமார் தலைமையில் மலர் தூவி அஞ்சலி செலுத்தப்பட்டது. அதனையடுத்து சிரேஷ்ட ஊடகவியலாளர் லசந்த விக்ரமரதுங்கவின் உருவப்படம் பொறிக்கப்பட்ட நினைவுத்தூபி நிர்மாணிக்கப்பட்டு நினைவேந்தல் நிகழ்வு இடம்பெற்றது.

ஆக்கம்
சம்பத் ஜயலால் (077 3711919)
செயற்குழு உறுப்பினர்
ஊடகத்துறை ஊழியர் தொழிற்சங்க சம்மேளனம்
(தமிழில்: RSM)

January 8, 2022January 10, 2022

லசந்த விக்ரமதுங்கவின் 13ஆவது ஆண்டு நினைவு தினம் மட்டக்களப்பில் அனுஷ்டிப்பு

இலங்கையில் படுகொலைசெய்யப்பட்ட சிரேஸ்ட ஊடகவியலாளர் அமரர் லசந்த விக்ரமதுங்கவின் 13வது ஆண்டு நினைவு தினம் இன்று சனிக்கிழமை (08) மு.ப. 10.00 மணியளவில் மட்டக்களப்பில் அனுஷ்டிக்கப்பட்டது.

இன்று சனிக்கிழமை காலை மட்டக்களப்பு மாவட்ட தமிழ் ஊடகவியலாளர் ஒன்றியம் மற்றும் மட்டு.ஊடக அமையம் என்பன இணைந்து இந்த நிகழ்வினை நடாத்தியது.
மட்டக்களப்பு மாவட்ட தமிழ் ஊடகவியலாளர் ஒன்றியத்தலைவர் வா.கிருஸ்ணகுமார் தலைமையில் மட்டக்களப்பு நகரில் உள்ள இலங்கையில் படுகொலைசெய்யப்பட்ட ஊடகவியலாளர்கள் நினைவுத்தூபியில் மலர் அஞ்சலி செலுத்தப்பட்டது.
அதனை தொடர்ந்து மட்டு.ஊடக அமையத்தில் சிரேஸ்ட ஊடகவியலாளர் அமரர் லசந்த விக்ரமதுங்கவின் திருவுருவப்படத்திற்கு மலர் தூவி, நினைவுச்சுடர் ஏற்றப்பட்டு நினைவஞ்சலி நிகழ்வு நடைபெற்றது.

இந்த நிகழ்வில் மட்டக்களப்பு மாவட்ட பாராளுமன்ற உறுப்பினர் இரா.சாணாக்கியன்,மட்டக்களப்பு மாவட்ட சிவில் சமூக அமைப்புக்களின் ஒன்றியத்தலைவர் எஸ். சிவயோகநாதன், மட்டக்களப்பு மாவட்ட ஊடகவியலாளர்கள்,அரசியல் கட்சிகளின் பிரமுகர்கள்,பொது அமைப்புகளின் பிரமுகர்கள்,மதத்தலைவர்களுக்கு அழைக்கு விடுக்கப்பட்டுள்ளது.இவ்வாறு படுகொலை செய்யப்பட்ட சிரேஸ்ட ஊடகவியலாளர் லசந்த விக்கிரமதுங்கவின் வாழ்கை வரலாறு அடங்கிய கோர்ப்புக்களை இந்தியாவைச் சேர்ந்த சிரேஸ்ட ஊடகவியலாளரும்,இயக்குனருமான புகழேந்தி தங்கராசா படமாக உருவாக்கி இன்றையதினம் இந்தியாவில் வெளியீட்டு வைக்கப்பட்டவுள்ளது.

க. விஜயரெத்தினம்